AQSHdagi misli ko‘rilmagan zo‘ravonlikni qat’iy qoralaymiz – Zelenskiy

Olam 3768
image

Ukraina AQSH poytaxtida yuz bergan mamlakatda bo‘lib o‘tgan prezidentlik saylovlari g‘olibini aniqlash jarayonidagi tartibsizliklarni qattiq qoralaydi. Bu haqda bugun, 7 yanvar kuni Ukraina Prezidenti Vladimir Zelenskiy ma’lum qildi.

“Biz AQSH Kongressiga uyushtirilgan misli ko‘rilmagan zo‘ravonlikni qat’iyan qoralaymiz”, deb yozdi u Twitter’da.

Shu bilan birga, Zelenskiy AQSHdagi prezidentlik saylovi natijalarini demokratlar nomzodi Jozef Bayden foydasiga tasdiqlash to‘g‘risidagi qarorni mamnuniyat bilan qabul qilgan.

“Biz bu dahshatli hujumdan bir necha soat o‘tgach, Amerika xalqining irodasini yana bir bor tasdiqlagan tarixiy uchrashuv o‘tkazgan dunyodagi eng qadimgi va eng buyuk demokratik institutning barqarorligidan ilhom olamiz”, deya qo‘shimcha qilgan Ukraina Prezidenti.

Amerika qonunchilik organiga hujum kecha, 6 yanvar kuni Donald Tramp Vashingtondagi tarafdorlari oldida nutq so‘zlaganidan so‘ng boshlandi va u prezidentlik saylovi natijalarini tan olmasligini yana bir bor ta’kidladi. Tartibsizliklar paytida namoyishchilar Kongress binosiga kirishga muvaffaq bo‘ldi, zalda o‘tirgan qonun chiqaruvchilar evakuatsiya qilindi. Kapitoliydagi to‘qnashuvlar oiibatida to‘rt kishi halok bo‘ldi. Namoyishlar o‘rtasida Tramp xalqqa videomurojaat yo‘lladi, unda Vashingtondagi namoyishchilarni uylariga qaytishga chaqirib, yana bir bor saylovlarni soxta, deb atadi.

AQSH Kongressi Senati va Vakillar Palatasi prezidentlik saylovi natijalarini va shu tariqa FQB maxsus kuchlari uni ishg‘ol qilgan Tramp tarafdorlarini binodan quvib chiqarganidan bir necha soat o‘tgach, Kapitoliyda bo‘lib o‘tgan uchrashuvda demokratlar nomzodi Jozef Baydenning g‘alabasini ma’qulladi. Kongressmenlarning qarori Amerikaning navbatdagi ma’muriyatining rasmiy rahbari kim ekani haqidagi tortishuvlarga chek qo‘yadi.

Eslatib o‘tamiz, avvalroq Germaniya Kansleri Angela Merkel ham Aqshdagi vaziyatdan havotirda ekanini aytgandi.

Umidjon Nozimjonov
Maqolaga baho bering
Baholaganlar: 57
Reyting: 3.1
t
×