AQSH Rossiyaga qarshi sanksiyalarini kengaytirdi. “Qora ro‘yxat”da esa Xitoy kompaniyalari

Qo‘shma Shtatlar Rossiyaning Ukrainadagi harbiy sa’y-harakatlarini qo‘llab-quvvatlagani uchun 400 dan ortiq tashkilot va shaxslarga sanksiyalar kiritdi. Bu haqda bugun, 23 avgust kuni Davlat departamenti ma’lum qildi.

Gap Moskvaga G‘arb sanksiyalarini chetlab o‘tish va harbiy salohiyatni rivojlantirishga yordam beradigan Xitoy firmalariga qarshi qaratilgan choralar haqida ketmoqda. Vashington Pekinni Rossiyaning harbiy-sanoat bazasini qo‘llab-quvvatlashdan tiyilish haqida bir necha bor ogohlantirgan va allaqachon Moskvaning harbiy maqsadlarda muayyan texnologiyalardan foydalanish imkoniyatlarini cheklashga qaratilgan yuzlab sanksiyalarni joriy qilgan.

Davlat departamentining 190 ta sub’ektga nisbatan sanksiyalari ko‘rsatilgan faktlar varaqasida ta’kidlanishicha, so‘nggi sanksiyalar Rossiyaga dastgohlar va mikroelektronika yetkazib berish bilan shug‘ullanuvchi Xitoy kompaniyalariga nisbatan choralarni o‘z ichiga oladi.

Bundan tashqari, choralar Rossiyaning energetika sektoriga sanksiyalarni chetlab o‘tishga yordam beradigan Turkiya, Birlashgan Arab Amirliklari va Markaziy Osiyo mamlakatlaridagi kompaniyalarni (nishonga olish) bo‘ysundirishga qaratilgan qadamlarni o‘z ichiga oladi.

“Bugungi harakatlar... (Rossiyaning) energetika loyihalaridan daromad olish qobiliyatini pasaytiradi va urush mashinasini yetkazib berish uchun materiallar sotib olishiga yo‘l qo‘ymaydi”, deb tushuntiradi Davlat departamentining Iqtisodiy sanksiyalarni qo‘llash departamenti boshlig‘i Aaron Forsberg.

Sanksiyalar Xitoyning Dalian Machine Tool Group kompaniyasining import-eksport bo‘linmasini o‘z ichiga olgan bo‘lib, davlat departamenti ma’lumotlariga ko‘ra, u Rossiya kompaniyalariga 4 million dollarlik ikki tomonlama maqsadli mahsulotlar yetkazib bergan.

Bildirilishicha, oxirgi sanksiyalar Rossiya Ukrainada foydalanayotgan Orlan dronlarida ishlatiladigan komponentlarni yetkazib beruvchi firmalarga nisbatan choralarni ham o‘z ichiga oladi.

Vashington, shuningdek, sanksiyalar orqali Rossiyada bo‘lajak energetika loyihalari, shuningdek, suyultirilgan gaz (LNG) yetkazib berishni to‘xtatmoqchi. Sanksiyalar, shuningdek, neft va gaz yetkazib berish bilan shug‘ullanadigan kompaniyalarga, masalan, yaqinda to‘rtta LNG tankerini sotib olgan BAAda joylashgan White Fox Ship Management kabi kompaniyalarga qaratilgan.