AQSH ma’muriyati yana Xitoyni genotsidda aybladi

Olam 4061
image
-

AQSH ma’muriyati yana bir bor Xitoy hukumatini Shinjon-Uyg‘ur avtonom rayonida jiddiy inson huquqlari buzilishi va genotsidda aybladi. 

AQSH Davlat kotibi Entoni Blinken e’lon qilgan yozma bayonotida Vashington Birlashgan Millatlar Tashkilotining Inson huquqlari bo‘yicha Oliy komissari boshqarmasining Shinjon-Uyg‘ur avtonom rayoni bo‘yicha yangi hisobotini olqishlashini aytdi. 

“Hisobot XXR hukumati tomonidan Shinjondagi uyg‘urlar va boshqa etnik va diniy ozchiliklar vakillariga nisbatan sodir etilayotgan hamda davom etayotgan genotsid va insoniyatga qarshi jinoyatlardan chuqur xavotirimizni yanada chuqurlashtiradi va tasdiqlaydi”, deydi Blinken.  

Uning so‘zlariga ko‘ra, Qo‘shma Shtatlar, Vashington fikricha, Shinjon-Uyg‘ur avtonom rayonida inson huquqlarini g‘arazli buzayotganlarni javobgarlikka tortishga intilib, xorijiy hamkorlar bilan yaqindan hamkorlik qiladi. Davlat kotibi Pekinni “mustaqil tergovchilarga Shinjon, Tibet va butun XXR hududiga to‘liq va to‘siqsiz kirish imkoniyatini” berishga chaqiradi. 

Pekin BMT Inson huquqlari bo‘yicha Oliy komissari boshqarmasi xulosalarini qat’iyan rad etdi. 

“Bu AQSH va G‘arb Xitoyni tiyib turishga urinayotgan siyosiy vosita”, deydi diplomat.

Ma’lumot uchun, Sh0injondagi eng ko‘p sonli etnik ozchiliklardan biri uyg‘urlar bo‘lib, ularning aksariyati Islom diniga e’tiqod qiladi. 2018 yil avgust oyida BMT Inson huquqlari bo‘yicha Oliy komissari ma’lum qilganidek, ushbu millat vakillarining 1 million nafarga yaqin vakillari Shinjon-Uyg‘ur avtonom rayonidagi “axloq tuzatish lagerlarida” noqonuniy hibsga olingani haqida ma’lumot olgan. XXR hukumati bunday xulosalarni bir necha bor rad etgan. 

Prezident Donald Tramp boshchiligidagi AQSHning avvalgi ma’muriyati 2021 yilning yanvarida Shinjon-Uyg‘ur avtonom rayonida sodir bo‘layotgan voqealarni genotsid deb atagan edi. Jo Bayden boshchiligidagi AQSHning hozirgi ma’muriyati bu ayblovni takrorladi. 

Qalampir.uz Tahririyati
Maqolaga baho bering
Baholaganlar: 72
Reyting: 3
Teglar
t
×