AQSH Xitoyni suvosti kabellari orqali josuslikda ayblamoqda

AQSH hukumati rasmiylari telekommunikatsiya kompaniyalarini Tinch okeani orqali internet-trafikni olib o‘tuvchi dengizosti internet kabellari "Xitoy ta’mirlash kemalari" tomonidan josuslik qilishlari mumkinligi haqida maxfiy ravishda ogohlantirdi. Bu haqda “The Wall Street Journal” xabar berdi.

Nashrga ko‘ra, Xitoyning mumkin bo‘lgan aralashuvi tijorat va harbiy ma’lumotlar xavfsizligiga tahdid soladi.

Qayd etilishicha, AQSH Davlat departamenti vakillari Xitoyning S.B. Submarine Systems kompaniyasining ta’mirlash kemalarining noodatiy xatti-harakatlarini qayd etgan.

Suvosti kabellarini yotqizish va ta’mirlashga ixtisoslashgan Submarine Systems kompaniyasi o‘z kemalarining joylashuvini radio va sun’iy yo‘ldosh kuzatish xizmatlaridan yashiradi.

Gap, xususan, Xitoyning Fu Hai, Fu Tai va Bold Maverick kemalari haqida ketmoqda, ular Tayvan va Indoneziya yaqinida ishlayotganda ba’zan kuzatuv tizimlari ko‘rinmas holga keladi.

Shuningdek, nashr AQSH rasmiylari muhim harbiy ma’lumotlarni tashuvchi kabellar haqida ayniqsa hushyor bo‘lishganini da’vo qilmoqda, chunki bu kabellar ko‘pincha tijorat Internet liniyalari orqali o‘tadi.

WSJ'ning ta’kidlashicha, AQSH razvedka idoralari uzoq vaqtdan beri dengizosti optik tolali kabellarga texnik xizmat ko‘rsatish va ta’mirlash orqali josuslik qilishdan qo‘rqishadi.