Afsonaviy braziliyalik futbolchining o‘yinini 1 milliondan ortiq kishi kuzatdi

2018 yilda faoliyatini yakunlagan braziliyalik futbolchi Ronaldino shou tariqasida o‘tkaziladigan Ispaniya media ligasida “Porsinos” jamoasi safida debyut qildi. Bu haqda “Marca” nashri xabar berdi.

Futbolchi Qirollar ligasining 8-turidan o‘rin olgan “Pio”ga qarshi o‘yinga jamoa bilan pushti limuzinda keldi. Braziliyalik futbolchi birinchi bo‘limning beshinchi daqiqasidayoq sardorlik bog‘ichini qabul qilib, zaxiradan maydonga tushdi.

O‘yinning onlayn platformalardagi translyatsiyasini jami bir milliondan ortiq kishi tomosha qildi.

Qirollar ligasi – Ispaniya media-futbol turniri bo‘lib, musobaqa shou-biznes yulduzlari va futbol afsonalari ishtirokida o‘tkaziladi. Uchrashuvlar 7x7 formatida 40 daqiqa davom etadi.

Ma’lumot uchun, Ronaldino 2005 yilgi “Oltin to‘p” sohibi, shuningdek, FIFA talqiniga ko‘ra 2004 va 2005 yillarda dunyoning eng yaxshi futbolchisi bo‘lgan. U Braziliya terma jamoasi bilan 2002 yilda jahon chempionligiga erishgan.