Afg‘onistondagi zilzila O‘zbekistonga sezildi

Bugun, 27 avgust kuni Toshkent vaqti bilan 18:27 da Afg‘onistonda zilzila sodir bo‘ldi. Bu haqda Seysmoprognostik monitoring Respublika markazi xabar berdi.

Qayd etilishicha, zilzila epitsentri Toshkentdan 547 km janubiy-sharqda. Epitsentrda sezilish kuchi 3 ball. Magnitudasi 5,7. Chuqurligi: 160 km. Epitsentr: Badaxshon, Afg‘oniston. Koordinatalari 36,55 shimoliy kenglik, 71,03 sharqiy uzunlik.

O‘zbekiston Respublikasi hududida sezilish kuchi:

• Surxondaryo viloyatida 2-3 ball, 342 km.
• Farg‘ona viloyatida 2 ball, 431 km.
• Sirdaryo viloyatida 2 ball, 480 km.
• Jizzax viloyatida 2 ball, 483 km.
• Andijon viloyatida 2 ball, 486 km.
• Samarqand viloyatida 2 ball, 496 km.
• Namangan viloyatida 2 ball, 498 km.
• Qashqadaryo viloyatida 2 ball, 527 km.
• Toshkent shahrida 2 ball, 547 km.

Eslatib o‘tamiz, avvalroq Qirg‘izistonda 4,6 magnitudali zilzila sodir bo‘lgani haqida xabar berilgan edi. Ushbu zilzila 1 kun o‘tib yana yuz berdi.