Aeroport xodimini qutqargan erkak “Tinchlik elchisi” bo‘ldi

Avvalroq, Qozog‘istonning Olmaota shahri aeroportida noma’lum erkak pichoq bilan aeroport xodimasini garovga olib, hamma joyni portlatib yuborish bilan tahdid qilgani haqida xabar qilingan edi. Bu vaziyatda hodimaga yordam berib, jinoyatchini zararsizlantirgan Musa Sayranbayuli Abdurayim Butunjahon Boks kengashining (WBC) “Tinchlik elchisi” etib tayinlandi. Bu haqda “Nur.kz” xabar berdi.

Bildirilishicha, kengash rahbari Maurisio Sulaymon o‘z sahifasida Musa Abdurayim jinoyatchini zararsizlantirgan videoni e’lon qilib, u ko‘rsatgan va fidoyiligi uchun uni rasman “WBC Tinchlik elchisi” deb atagan.

“Men Qozog‘iston qahramoni, yer yuzidagi eng jasur odam, 53 yoshli sobiq bokschi Musa Abdurayim bilan ajoyib suhbat qurdim. Vakilimiz Alixon unga chempionlik bilaguzugini sovg‘a qilish uchun uchrashdi”, deydi WBC rahbari.

Eslatib o‘tamiz, avvalroq Qozog‘iston Prezidenti Qosim-Jomart To‘qayev mazkur ekstremal vaziyatda ko‘rsatgan jasorati va fidoyiligi uchun Musa Sayranbayuli Abdurayimni “Mardligi uchun” medali bilan taqdirlagandi.

Bunyod Keldiboyev