Abdusattorov xalqaro turnirda sovrindor bo‘ldi

Sport

image
0:00
0:00
download

Hindistonning Kalkutta shahri mezbonlik qilgan shaxmat bo‘yicha “Tata Steel India” turniri yakunlandi. Musobaqada ishtirok etgan o‘zbekistonlik grossmeyster Nodirbek Abdusattorov 2-o‘rinni qo‘lga kiritdi.

Blits bahslarida Abdusattorov 18 ta turda 11 ochkoni qo‘lga kiritdi. Musobaqa yakunlariga ko‘ra, 1-o‘rin rossiyalik Aleksandr Grishukka nasib etgan bo‘lsa, 3-o‘rinni mezbon sportchi Rameshbabu Praggnanandha egalladi. 

O‘zbekistonlik shaxmatchi rapid bahslarida esa 4 ochko jamg‘arib, 7-o‘rin bilan kifoyalandi. Bu yo‘nalishda 1-o‘rinni fransiyalik Maksim Vashe-Lagrav qo‘lga kiritdi. 

Eslatib o‘tamiz, avgust oyi oxirida Abdusattorov o‘rin olgan “WR Chess” jamoasi Germaniyaning Dyusseldorf shahri mezbonligidagi tezkor shaxmat bo‘yicha FIDE Jahon chempionatida g‘olib bo‘lgandi.


Maqola muallifi

Teglar

shaxmat Nodirbek Abdusattorov Aleksandr Grishuk

Baholaganlar

0

Reyting

3

Maqolaga baho bering

Doʻstlaringiz bilan ulashing