“Ahmadboy” ustidan yakuniy sud o‘z ishini boshladi

Bugun, 6 may kuni jinoyat ishlari bo‘yicha Quyichirchiq tuman sudi binosida sudlanuvchilar Ahmadjon Tursunboyev uning jinoiy sheriklari ustidan yakuniy sud jarayoni boshlandi. 

Mazkur jinoiy ish jinoyat ishlari bo‘yicha Toshkent viloyat sudi sudyasi Xayriddin Shermuxamedov raisligida ko‘rib chiqilmoqda. Bu haqda sud jarayonida ishtirok etayotgan QALAMPIR.UZ muxbiri xabar bermoqda.

Sudlanuvchilar Ahmadjon Tursunboyev va boshqalar O‘zbekiston Respublikasi Jinoyat kodeksining 168-moddasi (firibgarlik), 25-moddasi (jinoyatga tayyorgarlik ko‘rish va jinoyat sodir etishga suiqasd qilish) orqali 168-moddasi (firibgarlik), 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) va 243-moddasi (jinoiy faoliyatdan olingan daromadlarni legallashtirish) da nazarda tutilgan jinoyatlarni sodir etganlikda ayblanmoqdalar.