2021-2022 yilgi mavsumning eng yaxshi futbolchilari e’lon qilindi

Ispaniyaning "Marca" nashri 2021-2022 yilgi mavsumning eng yaxshi futbolchilari ro‘yxatini e’lon qildi.

Qayd etish joizki, ushbu reyting butun dunyo yig‘ilgan 60 dan ortiq jurnalist va ekspertlardan iborat hakamlar hay’ati tomonidan tuzilgan.

Unga ko‘ra, Madridning “Real” klubi hujumchisi Karim Benzema mavsumning eng yaxshi futbolchisi deb topildi. Ikkinchi o‘rinni “los blankos” darvozaboni Tibo Kurtua egalladi. Uchinchi pog‘onadan ham “qaymoqranglilar” futbolchisi o‘rin olgan. Ya’ni, Vinisius Junior 2021-2022 yilgi mavsumning eng yaxshi 3-raqamli futbolchisi sifatida e’tirof qilingan.

“Marca” talqiniga ko‘ra, 2021-2022 yilgi mavsumning eng yaxshi 10 nafar futbolchisi bilan tanishing:

1. Karim Benzema (“Real Madrid”);

2. Tibo Kurtua (“Real Madrid”);

3. Vinisius Junior (“Real Madrid”);

4. Muhammad Saloh (“Liverpul”);

5. Kilian Mbappe (PSJ);

6. Luka Modrich (“Real Madrid”);

7. Kevin de Bryuyne (“Manchester Siti”);

8. Robert Levandovski (“Bavariya”);

9. Virjil van Deyk (“Liverpul”);

10. Sadio Mane (“Liverpul”/“Bavariya”).

Eslatib o‘tamiz, nufuzli “Transfermarkt” portali dunyoning eng qimmat futbolchilaridan iborat reytingni tuzgandi. Aynan “Marca” 2021-2022 yilgi mavsumning eng yaxshi yosh futbolchilarini ham e’lon qilgandi.

Avvalroq, O‘zbekistonning eng qimmat futbolchilari haqida ma’lumot berilgandi. Shuningdek, joriy yilning 1-19 iyun kunlari O‘zbekistonda o‘tkazilgan futbol bo‘yicha Osiyo kubogi U-23 ning eng qimmat tarkibga ega jamoalari haqida xabar qilingandi. Qolaversa, Osiyo qit’asining narxi “osmon” futbolchilaridan iborat reyting ham tuzilgan.

Ma’ruf Abdumalikov