2020 yildan davlat xodimlari o‘rtasida “O‘zbek polvoni” musobaqasi o‘tkaziladi

2021 yildan boshlab xorijiy davlatlarda O‘zbekiston Respublikasi Prezidenti sovrini uchun kurash bo‘yicha xalqaro turnirlar o‘tkaziladi. Bu haqda O‘zbekiston Respublikasi Prezidentining “Kurash milliy sport turining xalqaro nufuzini yanada oshirish chora-tadbirlari to‘g‘risida”gi farmoni loyihasida keltirib o‘tilgan. 

Hujjatga muvofiq, har ikki yilda bir marta:

•  2020 yildan boshlab viloyatlar markazlari, Toshkent va Nukus shaharlarida oliy ta’lim muassasalari talabalari o‘rtasida xalqaro kurash musobaqasi;

•  2021 yildan boshlab ravishda xorijiy davlatlarda O‘zbekiston Respublikasi Prezidenti sovrini uchun kurash bo‘yicha xalqaro turnirlar;

•  2020 yildan boshlab har yilda bir marta davlat organlari xodimlari o‘rtasida kurash bo‘yicha “O‘zbek polvoni” respublika musobaqasi o‘tkaziladi;

•  2020-2022 yillarda viloyatlar markazlari, Nukus va Toshkent shaharlarida O‘zbekiston Respublikasi Davlat byudjeti mablag‘lari hisobidan moliyalashtiriladigan O‘zbekiston Respublikasi Jismoniy tarbiya va sport vazirligi huzuridagi kurash mahorat sport maktablari (keyingi o‘rinlarda – kurash mahorat maktablari) bosqichma-bosqich tashkil etiladi;

•  kurash mahorat maktablarining rahbarlari, trenerlari va boshqa xodimlariga olimpiya zaxiralari kollejlari uchun belgilangan mehnatga haq to‘lanadi va moddiy rag‘batlantirish shartlari qo‘llaniladi;

•  Kurash xalqaro assotsiatsiyasi va O‘zbekiston kurash federatsiyasi muassisligida Xalqaro kurash institutini qayta tashkil etiladi.