1,5 mlrd so‘mlik soatni noqonuniy olib o‘tishga uringan shaxs ushlandi (video)
3-sahifa
−
29 avgust 8588
Toshkent xalqaro aeroporti 1,5 mlrd so‘mlik soatni noqonuniy olib o‘tmoqchi bo‘lgan shaxs qo‘lga olindi. Bu haqda "Toshkent AERO" ixtisoslashtirilgan bojxona kompleksi xabar berdi.
Ma’lum qilinishicha, joriy yilning 24 avgust kuni soat 02:40 larda Islom Karimov nomidagi Toshkent xalqaro aeroporti chegara-bojxona posti xodimlari tomonidan Dubay-Toshkent yo‘nalishi bo‘yicha uchib kelgan O‘zbekiston fuqarosi tegishli tartibda tekshirilganda, u 1,5 mlrd so‘mlik tilla soatni noqonuniy olib o‘tishga uringan.
Unga tegishli bo‘lgan qo‘l sumkasi ichidan bojxona nazoratiga belgilangan tartibda taqdim etilmagan, deklaratsiyalanmagan, jismoniy shaxslar tomonidan olib kirish me’yoridan ortiq bo‘lgan, qiymati 1 mlrd 540 mln 260 ming so‘mlik 1 dona sariq rangli metalldan yasalgan, oq rangli toshlar bilan bezatilgan Patek Philippe Geneve yozuvli qo‘l soati borligi aniqlangan.
Holat yuzasidan hozirda surishtiruv harakatlari olib borilmoqda.
Ma’lumot uchun, jismoniy shaxslarga og‘irligi 200 grammgacha bo‘lgan kumushdan hamda 65 grammgacha bo‘lgan oltin va boshqa qimmatbaho metallardan yasalgan tayyor zargarlik buyumlarini yo‘lovchi bojxona deklaratsiyasini to‘ldirmasdan, ushbu miqdorlardan ortiq bo‘lganlarini yo‘lovchi bojxona deklaratsiyasi asosida O‘zbekiston bojxona hududidan tashqariga olib chiqishga ruxsat beriladi.
Eslatib o‘tamiz, avvalroq Namanganda 1 mlrd so‘mlik tilla taqinchoqlarni olib o‘tmoqchi bo‘lganlarga hukm o‘qilgandi.
Live
Barchasi
