Ledi Di: Britaniya shahzodalarining go‘zal onasi hayot bo‘lganida 60 yoshni qarshilardi (fotoreportaj) 

Uels malikasi Diana agarda hayot bo‘lganida, bugun, 1 iyul kuni 60 yoshga to‘lgan bo‘lardi.  

Diana Frensis Spenser 1961 yilda Sandringemda tug‘ilgan. U 20 yoshida Britaniya taxtining vorisi — shahzoda Charlzga turmushga chiqqan. Ularning oilasida ikki nafar o‘g‘il farzand — Uilyam va Garri dunyoga kelgan. Biroq, juftlik baxtsiz nikoh tufayli 1996 yilda ajrashgan. 

Diana 1997 yil 31 avgustda Parijda avtohalokat sababli vafot etgan. U mashinada sevgilisi Dodi al-Fayed bilan katta tezlikda ketayotgan bo‘lgan. Uning fojiali o‘limi butun dunyoni hayratga solgan. Quyida Ledi Dining hayotidan fotolavhalar bilan tanishishingiz mumkin.

Malikaning portreti. Buyuk Britaniya. 1986 yil avgust.

Uels shahzodasi va malikasi to‘y marosimidan so‘ng Bukingem saroyiga qaytmoqda. 1981 yil iyul. 

Dianani Oklenddagi mahalliy maori xalqining vakili kutib olmoqda. Yangi Zelandiya. 1983 yil aprel. 

Malika Diana Shimoliy Uelsdagi Reksxem shahriga tashrifi chog‘ida. 1982 yil noyabr. 

Shahzoda Charlz va malika Diana Avstraliya milliy bog‘idagi Uluru tog‘i etagida. 1983 yil mart. 

Shahzoda Charlz va Diana Kvinslenddagi zanjabilni qayta ishlash zavodiga tashrifi chog‘ida.  Avstraliya. 1983 yil aprel. 

Diana Buyuk Britaniyaning Nottingem shahriga tashrifi davomida. 1985 yil mart.

Malika Diana o‘g‘li shahzoda Uilyam bilan Kensington saroyida. 1985 yil oktyabr. 

Uels malikasi Londondagi Uembli stadionida qo‘shiqchi Maykl Jekson bilan uchrashdi. 1988 yil iyul. 

Diana shahzoda Uilyam va shahzoda Garri bilan Avstriyada chang‘i ta’tili paytida. 1991 yil aprel. 

Uels malikasi maktab sport musobaqasi kunida onalar poygasida qatnashdi. Angliya. 1991 yil iyun. 

Diana Giza shahridagi piramidalarda. Misr. 1992 yil may. 

Malika Diana Zimbabvega tashrifi chog‘ida. 1993 yil iyul. 

Diana va uning o‘g‘illari Surrey grafligidagi “Torp Park”da. Surreyda. Angliya. 1993 yil aprel.