Леди Ди: Британия шаҳзодаларининг гўзал онаси ҳаёт бўлганида 60 ёшни қаршиларди (фоторепортаж) 

Уэльс маликаси Диана агарда ҳаёт бўлганида, бугун, 1 июль куни 60 ёшга тўлган бўларди.  

Диана Фрэнсис Спенсер 1961 йилда Сандрингемда туғилган. У 20 ёшида Британия тахтининг вориси — шаҳзода Чарльзга турмушга чиққан. Уларнинг оиласида икки нафар ўғил фарзанд — Уильям ва Гарри дунёга келган. Бироқ, жуфтлик бахтсиз никоҳ туфайли 1996 йилда ажрашган. 

Диана 1997 йил 31 августда Парижда автоҳалокат сабабли вафот этган. У машинада севгилиси Доди ал-Файед билан катта тезликда кетаётган бўлган. Унинг фожиали ўлими бутун дунёни ҳайратга солган. Қуйида Леди Дининг ҳаётидан фотолавҳалар билан танишишингиз мумкин.

Маликанинг портрети. Буюк Британия. 1986 йил август.

Уэльс шаҳзодаси ва маликаси тўй маросимидан сўнг Букингем саройига қайтмоқда. 1981 йил июль. 

Дианани Окленддаги маҳаллий маори халқининг вакили кутиб олмоқда. Янги Зеландия. 1983 йил апрель. 

Малика Диана Шимолий Уэльсдаги Рексхэм шаҳрига ташрифи чоғида. 1982 йил ноябрь. 

Шаҳзода Чарльз ва малика Диана Австралия миллий боғидаги Улуру тоғи этагида. 1983 йил март. 

Шаҳзода Чарльз ва Диана Квинсленддаги занжабилни қайта ишлаш заводига ташрифи чоғида.  Австралия. 1983 йил апрель. 

Диана Буюк Британиянинг Ноттингем шаҳрига ташрифи давомида. 1985 йил март.

Малика Диана ўғли шаҳзода Уильям билан Кенсингтон саройида. 1985 йил октябрь. 

Уэльс маликаси Лондондаги Уэмбли стадионида қўшиқчи Майкл Жексон билан учрашди. 1988 йил июль. 

Диана шаҳзода Уильям ва шаҳзода Гарри билан Австрияда чанғи таътили пайтида. 1991 йил апрель. 

Уэльс маликаси мактаб спорт мусобақаси кунида оналар пойгасида қатнашди. Англия. 1991 йил июнь. 

Диана Гиза шаҳридаги пирамидаларда. Миср. 1992 йил май. 

Малика Диана Зимбабвега ташрифи чоғида. 1993 йил июль. 

Диана ва унинг ўғиллари Суррей графлигидаги “Торп Парк”да. Суррейда. Англия. 1993 йил апрель.