Husanov avtogol urgan o‘yinda “Siti” ochko yo‘qotdi (video)
Sport
−
15 mart 15576
Angliya Premer-ligasi 29-turi doirasida “Manchester Siti” o‘z uyida “Brayton”ni qabul qildi va 2:2 durang qayd etdi. Ushbu bahsda “shaharliklar” safida o‘zbekistonlik futbolchi Abduqodir Husanov 48-daqiqada o‘z darvozasini ishg‘ol qilib qo‘ydi.
Ushbu bahsni Husanov asosiy tarkibda boshladi. Dastlab Erling Xoland 11-daqiqada penaltidan gol urib, hisobni ochdi. Mehmonlar himoyachisi Estupinyan jarima zarbasidan gol urib, hisobni tenglashtirdi. Taym oxirida Omar Marmush mezbonlarni oldinga olib chiqdi. Ikkinchi taym boshida Xinshelvudning zarbasidan so‘ng to‘p Husanovga tegib, darvozadan joy oldi. O‘yin yakuniga qadar hisob o‘zgarmadi.
Shu tariqa, “Manchester Siti” ochkolar sonini 48 taga yetkazib, 5-o‘ringa joylashdi. Durangga erishgan “Brayton” 47 ochko bilan 7-o‘rinni band etdi.
Live
BarchasiTrenddagilar
