Hindistonda ibodatxona qulashi oqibatida 35 kishi halok bo‘ldi (foto+video)
Olam
−
31 mart 2023 6505
Kecha, 30 mart kuni Hindistonning markaziy qismidagi ibodatxonada quduq qopqog‘i qulashi oqibatida 35 kishi halok bo‘ldi. Bu haqda CNN xabar berdi.
Qayd etilishicha, ushbu voqea Madxya-Pradesh shtatining Indor shahridagi Shri Beleshvara Maxadeva Julelala ibodatxonasida sodir bo‘lgan. Mahalliy ma’muriyatning ta’kidlashicha, qopqoq og‘ir yuk tufayli qulab tushgan.
O‘sha kuni kechqurun qutqaruvchilar 35 kishining jasadini topgan, bir kishi bedarak yo‘qolgan, 16 kishi yaralangan. Qutqaruv ishlariga armiya, shuningdek, federal va shtatning tabiiy ofatlarga qarshi kurash guruhlari jalb qilingan.
Bosh vazir Narendra Modi qurbonlar va ularning yaqinlariga hamdardlik bildirgan. Jabrlanganlar va qurbonlarning oilalari hukumatdan tovon puli oladi.
Live
Barchasi
