Hindiston AQSHdan 3 milliard dollarlik dron sotib oladi
Olam
−
19 iyun 2023 4735
Hindiston AQSHdan uzoq vaqt davomida balandlikda ucha oladigan 31 ta uchuvchisiz samolyot sotib oladi. Shartnoma summasi 3 milliard dollardan ortiqroqqa baholanmoqda. Bu haqda “Hindustan Times” gazetasi xabar berdi.
Hindiston Mudofaa vaziri Rajnat Singx boshchiligidagi Mudofaa xaridlari kengashi dengiz va quruqlik mudofaasini kuchaytirish maqsadida 15 ta MQ-9B SeaGuardians va 16 ta MQ-9B SkyGuardians dronlarini sotib olish qarorini ma’qullagan.
E’tiborlisi, xaridni tasdiqlash to‘g‘risidagi qaror joriy yilning 21 iyun kuni Hindiston Bosh vaziri Narendra Modining AQSHga safari arafasida qabul qilinishi mumkin.
Modining AQSH Prezidenti Jo Bayden bilan uchrashuvi chog‘ida tomonlar Hindistonda reaktiv dvigatellarni birgalikda ishlab chiqarish va uchuvchisiz samolyotlar sotib olish bo‘yicha kelishuvni rasman e’lon qilishi kutilmoqda.
Live
Barchasi
