HAMAS yadro qurollari joylashgan Isroil bazasiga zarba bergan – NYT 

Yadro qurollari saqlanadigan Isroilning Sdot Mixa harbiy bazasi 7 oktyabr kuni raketa bilan urilgan. Bu haqda sun’iy yo‘ldoshdan olingan suratlarga tayanib “The New York Times” xabar berdi.

Qayd etilishicha, HAMAS tomonidan uchirilgan raketa Isroilning Sdot Micha harbiy bazasiga kelib tushgan. Mutaxassislarning fikricha, bu bazada yadro kallagini olib yurishga qodir bo‘lgan juda ko‘p raketalar joylashgan. Raketalar zarar ko‘rmagan, biroq hujum oqibatida yaqin atrofda yong‘in boshlangan.

Bu HAMASning yadro quroli borligi taxmin qilinayotgan ob’ektga hujumi haqidagi birinchi ma’lum holatdir. Shu bilan birga, nashrning ta’kidlashicha, bu haqda HAMASning xabari bormi yoki ob’ekt tasodifan nishonga aylanganmi, aniq emas.

Eslatib o‘tamiz, 5 noyabr kuni jurnalistning G‘azo sektoriga yadroviy bomba tashlash kerakmi, degan savoliga javob berar ekan, Isroilning Quddus va meros masalalari bo‘yicha vaziri Amikay Eliyaxu “bu imkoniyatlardan biri”, degandi. Keyinchalik u atom bombasi haqidagi bayonot metafora ekanini, biroq Isroilga terrorizmga qarshi kuchli va nomutanosib javob zarurligini aytdi. Isroil Bosh vaziri Binyamin Netanyaxu Eliyaxuni hukumat yig‘ilishlarini to‘xtatdi va uning G‘azoda yadro qurolidan foydalanish ehtimoli haqidagi bayonotlarini rad etdi.