“Hakamlar adolatli qaror chiqarmadi”. Madrimov Ahmadaliyevning jangi haqida fikr bildirdi

Joriy yilning 9 aprel tongida o‘zbekistonlik professional bokschi, ikkinchi eng yengil vaznda WBA va IBF kamarlari sohibi Murodjon Ahmadaliyev filippinlik Marlon Tapalesga qarshi himoya jangini o‘tkazib, hakamlar qaroriga ko‘ra imkoniyatni boy berdi.

Ahmadaliyev ishtirokidagi bahsni bevosita arenadan turib kuzatgan yana bir o‘zbekistonlik professional bokschi Isroil Madrimov QALAMPIR.UZ'ga Murodjon Ahmadaliyevning jangi bo‘yicha fikrlarini bildirdi.

“Murodjon yaxshi jang qildi. Uni bu jangda yutdi desak ham mubolag‘a bo‘lmaydi, lekin Ahmadaliyev oxirgi to‘qnashuvdagidanda kuchliroq jang qila oladi. Hakamlar adolatli qaror chiqarmadi deb o‘ylayman. Bu fikrimni ko‘pchilik tasdiqlaydi. Keyingi bahslarda Murodjondan g‘alaba kutamiz”, deydi Madrimov.

Eslatib o‘tamiz, AQSHning San-Antonio shahri mezbonlik qilgan profboks oqshomida Madrimovning o‘zi ham navbatdagi jangini o‘tkazib g‘alabaga erishdi. Madrimov 10 raund davom etgan jangda amerikalik Rafael Igbokvedan 100-90, 99-91, 99-91 hisobida ustun keldi.