ЖССТ гўштни чала пишириб ейиш борасида огоҳлантириш билан чиқди

Қизил гўштни яхши пиширмаслик Сальмонелла ва Листериа каби бактерияларни юқтириш хавфини ошириши мумкин. Бу ҳақда Жаҳон соғлиқни сақлаш ташкилоти хабар берди.

Мутахассисларнинг таъкидлашича, керакли миқдорда пиширилмаган гўшт организмда зарарли бирикмаларнинг пайдо бўлишига йўл очади. Айниқса, бу юрак касалликлари, юқори қон босими, 2-тоифа диабет ва саратон каби сурункали касалликлар эҳтимолини оширади.

Гўшт таркибида протеин миқдори юқори бўлгани сабабли микроорганизмлар танага осонлик билан бостириб киради. Ҳайвон тўғри шароитда сўйилганда, гўшт асосан стерил ҳолатда бўлади, бироқ гигиена қоидаларига риоя қилмасдан нотўғри ташиш ёки қайта ишлаш усулларисиз сўйиш гўштнинг касаллик манбасига айланишига замин яратади. Гўштнинг микробиал хавфи Сальмонелла ва Листериа бактериялари каби ўлик таҳдидларни ўз ичига олади.

Бу микроорганизмлар ва паразитлар пишириш пайтида нобуд бўлиши мумкин. Бироқ, гўшт етарли даражада пиширилмаган бўлса, баъзи вируслар омон қолиши ва гўштнинг бутун тузилишига таъсир қилиши мумкин.

Эслатиб ўтамиз, аввалроқ Қозоғистоннинг Атирау вилоятидаги энг йирик ҳисобланган “Дина” гўшт бозоридаги чакана савдо объектларини текшириш чоғида куйдирги бактерияси аниқланганди.