Жиззахда каналдан 5 ёшли боланинг мурдаси топилди
3-саҳифа
−
12 Май 2023 6816
Жиззах вилоятидаги каналдан бедарак йўқолган боланинг мурдаси топилди. Бу ҳақда Бош прокуратура матбуот хизмати хабар берди.
Аниқланишича, Бахмал тумани “Истиқлол” маҳалласида яшовчи фуқаро Ж.Х. 5 ёшли фарзанди А.А. 2023 йил 3 май куни уйидан чиқиб кетиб, қайтиб келмасдан бедарак йўқолганлиги ҳақида мурожаат қилган.
Орадан икки кун ўтиб, 5 май куни вояга етмаган А.А.нинг мурдаси “Туятортар” каналидан топилган.
Марҳумнинг ўлим сабабини аниқлаш мақсадида суд-тиббий экспертизаси тайинланган.
Билдирилишича, ҳозирда Бахмал тумани прокуратураси томонидан терговга қадар текширув давом этмоқда.
Эслатиб ўтамиз, шу йилнинг 3 апрель куни Самарқанд вилоятининг Ургут туманидаги ариқ четидан 3 яшар боланинг мурдаси топилган эди.
Live
Барчаси
