Жиззахда алимент тўлашдан қочиб юрган ота 15 суткага қамалди

3-саҳифа

−

26 июн 2024 visibility4173 timer1 дақиқа

Жиззах вилоятида боласига алимент тўлашдан қочиб юрган ота 15 суткага қамалди. Бу ҳақда вилоят Мажбурий ижро бюроси хабар берди.

Қайд этилишича, фуқаролик ишлари бўйича Зарбдор туманлараро суди қарздор И.Т. ҳисобидан ундирувчи Г.Ш фойдасига фарзандлари таъминоти учун алимент ундиришни белгилаган. Олиб борилган ижро ҳаракатларига қарамасдан қарздор алимент пулини тўламасдан бўйин товлаб келаётгани аниқланган.

“Қарздорлиги бугунги кун ҳолатига 10 млн сўмдан ошганлиги учун қарздор отага нисбатан Маъмурий жавобгарлик тўғрисидаги кодекснинг 47-моддаси 4-қисмига асосан 15 сутка маъмурий қамоқ жазоси тайинланди”, дейилади хабарда.

Эслатиб ўтамиз, аввалроқ Фарғонада алимент тўлашдан қочиб юрган ота тунги клубдан топилганди.

Мақола муаллифи