Жанубий Кореяда ҳукмрон партия етакчиси истеъфога чиқди

Жанубий Корея президенти Юн Сок Ёлга импичмент эълон қилинган бир пайтда, "Халқ кучи" партияси раиси Хан Дон Хун истеъфога чиқишга ариза берди. Бу қарорни бугун, 16 декабрь куни Сеулда бўлиб ўтган матбуот анжуманида ағдарилган президентни очиқ қўллаб-қувватловчи фракцияни ўз ичига олган партия раиси шахсан маълум қилди.

Хоннинг сўзларига кўра, у “олий кенгашнинг виртуал қулаши” туфайли энди партия етакчиси сифатида ишлай олмайди, унинг аъзолари ҳам аввалроқ истеъфога чиқишларини эълон қилган.

Шунингдек, сиёсатчи декабрь ойи бошида Юн Сок Ёлнинг Жанубий Кореяда ҳарбий ҳолат жорий этиш қароридан “жабрланган” мамлакат фуқароларидан узр сўради.

“Халқ кучи” учта фракцияни ўз ичига олади, улар  Юн Сок Ёль билан муносабатлари билан ажралиб туради. Шартли равишда уларни блокга энг катта таъсир кўрсатадиган президент тарафдори, нейтрал фракция ва Юнни танқид қилишга рухсат берган, бироқ унинг тарафдорлари билан бир блокда қолишда давом этган фракцияга бўлиш мумкин.

Охирги фракцияни Хан Дон Хун бошқарган, у аввалроқ Юндан истеъфога чиқишни талаб қилган эди.

Энди Юннинг очиқ тарафдорларидан бири Квон Сунг-донг янги раҳбари тайинланмагунча, "Халқ кучи" раиси вазифасини бажаради.

Эслатиб ўтамиз, аввалроқ Сеул прокуратураси собиқ мудофаа вазири Ким Ён Хёнгни Президент Юн Сок Ёль қисқача ҳарбий ҳолат эълон қилганидан кейин давлатга хиёнат қилганликда айблаб, тергов давомида ҳибсга олган эди. Кейинчалик Ким Ён Хёнг ўзи сақланаётган тергов изоляторида жонига қасд қилишга уринганди. 

Жанубий Кореянинг лавозимидан четлатилган президенти Юн Сок Ёль эса жорий йилнинг 18 декабрь куни махсус терговчилар гуруҳи томонидан сўроққа чақирилади.