Зеленский президентликдан воз кечишга тайёрлигини айтди

north_east

Зеленскийнинг қайси ишлари Трампни ғазаблантирмоқда?

Украина Президенти Владимир Зеленский агар бу Украинада тинчлик ўрнатилишини англатса, ўз лавозимидан воз кечишга тайёрлигини айтди. Бу ҳақда у бугун, 23 февраль куни Киевдаги матбуот анжуманида маълум қилди.

Зеленский мамлакат президенти лавозимидан кетишини Украинанинг НАТОга киришига алмаштириши мумкинлигини айтди.

Шунингдек, у АҚШ Президенти Дональд Трампни Киев ва Москва ўртасидаги оддий воситачидан кўра Украинанинг ҳамкори сифатида кўришни исташини айтди.

“Мен бу шунчаки воситачиликдан кўпроқ бўлишини жуда хоҳлайман... бу етарли эмас”, деди у.

Зеленскийнинг изоҳлари АҚШ Президенти Украинани можарони бошлаганликда айблагани ортидан Зеленский ва Трамп ўртасидаги зиддият кучайганидан сўнг пайдо бўлди. Зеленский АҚШ Президентини “дезинформацион маконда” бўлганликда айблаб, жавоб қайтарганида, Трамп Зеленскийни “диктатор” деб атаган ва можаронинг ҳал қилувчи палласида алоқаларни кескинлаштирганди.

Эслатиб ўтамиз, олдинроқ Украина Президенти, агар НАТО унинг альянсга аъзолигини инкор этса, ўз мамлакати армияси сонини икки баравар ошириши кераклигини айтган эди. Шу ой бошида эса АҚШ Мудофаа вазири Пит Ҳегсет Киевнинг НАТОга қўшилиши ҳақиқатга тўғри келмаслигини айтди.