НАТОга қўшилмасак, бизга ядро қуролини беринг – Зеленский

Олам

image
Киевнинг ядро қуролидан воз кечиши аҳмоқлик бўлган – Зеленский north_east

Киевнинг ядро қуролидан воз кечиши аҳмоқлик бўлган – Зеленский

Ғарб ҳамкорлари Украинани НАТОга қабул қилишдан бош тортса, уни ядро қуроли билан таъминлаши керак. Бу ҳақда мамлакат Президенти Владимир Зеленский британиялик журналист Пирс Морганга берган интервьюсида сўз очди. Суҳбатдан парчалар кеча, 4 февраль куни Морганнинг Х саҳифасида жойлаштирилди.

Украина раҳбарининг сўзларига кўра, ядро қуролининг Киевга топширилиши Украина хавфсизлигининг етарли кафолати бўлиб хизмат қилиши ва Россия Президенти Владимир Путинни янги ҳужумдан қайтариши мумкин.

Зеленский Украинанинг НАТОга қўшилиши “йиллар ёки ўн йилларга” кечиктирилиши мумкинлигини тан олди.

“Шу ерда, мутлақо адолатли савол туғилади: бизни бутун вақт давомида, шу йўлда бу ёвузликдан нима ҳимоя қилади? Қандай қўллаб-қувватлаш пакети, қанақа ракеталар? Улар бизга ядровий қурол берадими? Унда бизга ядровий қурол беришсин” деди Украина Президенти.

Владимир Зеленскийнинг сўзларига кўра, Ғарб давлатлари “миллионлик армия”ни молиялаш ва бу мамлакатда ўз қўшинларини жойлаштириш орқали Украинага ёрдам бериши мумкин.

“Ўз контингентингизни давлатимизнинг биз вазият барқарор бўлишини истаган қисмларига ўтказинг, шунда одамлар тинч бўлади”, деди Зеленский иттифоқчиларига қарата.

Зеленский агар Украина НАТОга қўшилмаса, у ҳолда Киевнинг альянсдаги потенциал аъзолигидан ўзининг босқинини оқлаш учун фойдаланган Путин “унинг ҳудудини бутунлай тарк этиши керак”лигини айтди.


Мақола муаллифи

Теглар

НАТО Россия Украина Владимир Зеленский

Баҳолаганлар

0

Рейтинг

3

Мақолага баҳо беринг

Дўстларингиз билан улашинг