ЕЧЛга чиқа олмаслигимиз фалокат эмас – Гвардиола

“Манчестер Сити” бош мураббийи Хосеп Гвардиола шаҳарликларнинг Европа Чемпионлар лигасига (ЕЧЛ) чиқа олмаслиги қандай оқибатларга олиб келишини айтди.

“Мен Чемпионлар лигасига чиқишимизни хоҳлайман. ЕЧЛга чиқмаслик муаммо бўлади, лекин бу фалокат бўлмайди. Англияда Чемпионлар лигасига чиқа олмаган, кейин эса ўзига келиб олган клублар бор. “Манчестер Сити” Чемпионлар лигасида кетма-кет 10 йил ўйнади. Аммо бунгача клуб ҳеч қачон бу турнирда иштирок этмаган. Биз катта натижаларга эришишга ўрганиб қолганмиз ва яна уриниб кўрамиз. Биз ЕЧЛга чиқамиз!” дейди Гвардиола.

Англия чемпионатида ўтказилган 28 ўйиндан сўнг “Манчестер Сити” АПЛ турнир жадвалида 5-ўринни эгаллаб турибди ва Европа Чемпионлар лигаси йўлланма берувчи ўриндан бир поғона пастда турибди. Кейинги турда Хосеп Гвардиола шогирдлари “Брайтон”га қарши майдонга тушади. Англия Премьер-лигасининг 2024/2025 йилги мавсуми жадвалида 70 очко билан “Ливерпуль” пешқадамлик қилмоқда.