Ўзбекистон ўсмирлар жамоасининг Осиё кубогидаги рақиблари маълум бўлди

Бугун, 23 январь куни Малайзия пойтахти Куала-Лумпур шаҳрида U-17 Осиё кубогига қуръа ташлаш маросими бўлиб ўтди. Бу ҳақда Осиё футбол конфедерацияси матбуот хизмати хабар берди.

Қуръа якунига кўра, Ўзбекистон терма жамоаси “А” гуруҳида Саудия Арабистони, Таиланд ва Хитой билан жой олди.

Қуйида қуръа ташлаш маросимидан кейин умумий натижалар билан танишиб чиқишингиз мумкин:

“А” гуруҳи

Саудия Арабистони

Ўзбекистон

Таиланд

Хитой

“B” гуруҳи 

Япония

Австралия

Вьетнам

БАА

“С” гуруҳи

Корея Республикаси

Яман

Афғонистон

Индонезия

“D” гуруҳи

Эрон

Тожикистон

Уммон

 КХДР.

Маълумот ўрнида, ОФК жамоаларни саватчаларга ажратишда сўнгги учта Осиё кубогида (Ҳиндистон-2016, Малайзия-2018 ва Таиланд-2023) эришилган натижаларни ҳисобга олган.

Мазкур мусобақа Қатарда бўлиб ўтадиган 17 ёшгача футболчилар ўртасидаги FIFA Жаҳон чемпионатига саралаш вазифасини ҳам ўтаб беради. Мусобақанинг энг яхши 8 та жамоаси 2025 йилги ўсмирлар ўртасидаги мундиалда иштирок этиш ҳуқуқини қўлга киритади.