Ўзбекистон МДҲда ресторанлар нархи энг арзон мамлакат бўлди

“Numbeo” портали томонидан 2025 йил учун ресторан нархлари индекси бўйича тузилган рейтингда Ўзбекистон дунёдаги 139 мамлакат орасида 17-ўринни эгаллади. Бу ҳақда портал томонидан эълон қилинган рейтингда келтирилган.

Ушбу кўрсаткич Нью-Йорк (АҚШ) нархлари билан солиштирилади, у ерда индекс 100 деб қабул қилинган. Ўзбекистондаги ресторан ва барлардаги овқат ва ичимликлар нархлари Нью-Йоркдагидан ўртача 79,2 фоиз арзон ва индекс 20,8 га тенг.

Энг паст нарх Ливия, Мадагаскар ва Афғонистонда қайд этилган. Энг юқори кўрсаткичлар эса Швейцария, Исландия ва Багама оролларида кузатилган.

МДҲ давлатлари орасида энг арзон ресторан хизматлари Ўзбекистонда экани аниқланган.

Таққослаш учун:

Эслатиб ўтамиз, аввалроқ Марказий Осиё мамлакатлари, хусусан, Ўзбекистонда машҳур бўлган шакароб салати дунёнинг энг ёмон баҳоланган 100 та таоми рейтингида 42-ўринда қайд этилган эди. Шакароб рейтингда 5 дан 2.6 юлдузга лойиқ кўрилган. Дунёнинг энг ёмон таоми сифатида Скандинавия мамлакатларининг “Блодплаттар”и қайд этилган.