Ўлимлар тўхташи учун Путин билан учрашишим мумкин – Трамп

АҚШ Президенти Дональд Трамп Россия ва Украина ўртасидаги можарони ҳал қилиш йўлида Россия Президенти Владимир Путин билан Туркиянинг Истанбул шаҳрида учрашишни истисно этмади. Бу ҳақда у бугун, 14 май куни Қатар томон парвоз чоғида Air Force One бортида журналистларга маълум қилди.

“Путин мени у ерда кўришни хоҳлайди ва бу мутлақо мумкин. Агар мен у ерда бўлмасам, у ҳам келадими – билмайман. Буни яқин орада биламиз”, деган Трамп.

Шунингдек, Трамп ўлаётган одамларни сақлаб қолиш учун Туркияга ташриф буюришини истисно этмаган.

“Лекин менинг бундай учрашувни жонларни сақлаб қолиш учун ўтказишим мумкин эмас дегани эмас. Мен борсам, кейин ортга қайтаман”, дея қўшимча қилади АҚШ раҳбари.

Эслатиб ўтамиз, аввалроқ Россия Президенти Владимир Путин Украина томонига 15 май куни Истанбулда бевосита музокараларни тиклашни таклиф қилган эди. Украина Президенти Владимир Зеленский бу таклифни қабул қилганини билдирган ва Истанбулда шахсан Путинни кутишини, ўт очишни тўхтатиш ва барча асирларни алмашиш масалаларини муҳокама қилиш ниятида эканини айтган.

Шунингдек, Украина Президенти Владимир Зеленский Россия ва Украина музокаралар олиб борадиган Истанбулга сафари олдидан Киев Россия Президенти Владимир Путин билан музокара олиб боришга ҳаракат қилаётганини айтган эди. Унинг сўзларига кўра, Украина бу учрашув бўлиши учун ҳамма нарсани қилмоқда.