Туркия терма жамоаси бош мураббийи истеъфога чиқарилди

Туркия футбол федерацияси (ТФФ) италиялик мутахассис Винченцо Монтелла билан ҳамкорликни тўхтатишга қарор қилди. Бу ҳақда федерация матбуот хизмати хабар берди.

Туркия терма жамоаси Миллатлар лигаси гуруҳ босқичидаги тўртта учрашувнинг барчасида мағлубиятга учраган.

52 ёшли Монтелла 2023 йилда Туркия терма жамоаси бош мураббийи этиб тайинланган эди. Унинг раҳбарлигида жамоа 2024 йилги Европа чемпионатининг чорак финалига қадар етиб борди ва 2026 йилги Жаҳон чемпионатига йўлланма олди. Бироқ терма жамоа плей-офф босқичига чиқа олмади.

Монтелла фаолияти давомида Туркиянинг “Адана Демирспор”, Испаниянинг “Севилья”, шунингдек, Италиянинг “Фиорентина”, “Милан”, “Сампдория”, “Катания” ва “Рома” клубларини бошқарган.

Маълумот учун, Винченцо Монтелла футболчилик фаолияти давомида 2000-2001 йилги мавсумда “Рома” билан Италия чемпионлигини қўлга киритган. Шунингдек, Италия терма жамоаси сафида 2000 йилги Европа чемпионатида кумуш медаль соҳиби бўлган.

Эслатиб ўтамиз, аввалроқ футзал бўйича Ўзбекистон миллий терма жамоаси бош мураббийи, испаниялик мутахассис Хосе Мария Мендес саломатлиги билан боғлиқ жиддий муаммолар туфайли ўз хоҳишига кўра лавозимини тарк этганди.