Трамп сайловдаги ғалабасини эълон қилди (видео)

Собиқ президент Дональд Трамп сайловдаги ғалабасини эълон қилди. Бу ҳақда у бугун, 6 ноябрь куни Флоридадаги тарафдорларига мурожаатида сўз очди.

“Америка халқига сизнинг 47-президентингиз ва 45-президентингиз этиб сайланиш шарафи учун миннатдорчилик билдирмоқчиман”, деди у.

“Мен ҳар куни сиз, оилангиз ва келажагингиз учун курашаман. Мен ҳар нафасимда билан сиз учун курашаман. Фарзандларимиз муносиб бўлган ва сизлар муносиб бўлган кучли, хавфсиз ва фаровон Американи етказиб бермагунимизча тинчланмайман. Бу ҳақиқатан ҳам Американинг олтин даври бўлади”, деди у Флоридадаги тарафдорларига.

Шунингдек, Трамп республикачилар Сенат устидан назоратни қўлга киритганини нишонлади. 
“Америка бизга мисли кўрилмаган ва қудратли мандат берди. Биз Сенат устидан назоратни қайтариб олдик – вой, бу яхши", деди у ўз тарафдорларига.

Трампнинг айтишича, одамлар унга “Худо бирон сабабга кўра ҳаётимни сақлаб қолди”, деб айтган.

“Ва бунинг сабаби мамлакатимизни қутқариш ва Американи буюкликка қайтариш эди. Ва энди биз бу миссияни биргаликда бажарамиз. Бизнинг олдимизда турган вазифа осон бўлмайди, лекин мен қалбимда бўлган ҳар бир зарра куч, руҳ ва курашни сиз менга ишониб топширган ишга олиб келаман", деб қўшимча қилди у.