Tramp saylovdagi g‘alabasini e’lon qildi (video)

Sobiq prezident Donald Tramp saylovdagi g‘alabasini e’lon qildi. Bu haqda u bugun, 6 noyabr kuni Floridadagi tarafdorlariga murojaatida so‘z ochdi.

“Amerika xalqiga sizning 47-prezidentingiz va 45-prezidentingiz etib saylanish sharafi uchun minnatdorchilik bildirmoqchiman”, dedi u.

“Men har kuni siz, oilangiz va kelajagingiz uchun kurashaman. Men har nafasimda bilan siz uchun kurashaman. Farzandlarimiz munosib bo‘lgan va sizlar munosib bo‘lgan kuchli, xavfsiz va farovon Amerikani yetkazib bermagunimizcha tinchlanmayman. Bu haqiqatan ham Amerikaning oltin davri bo‘ladi”, dedi u Floridadagi tarafdorlariga.

Shuningdek, Tramp respublikachilar Senat ustidan nazoratni qo‘lga kiritganini nishonladi. 
“Amerika bizga misli ko‘rilmagan va qudratli mandat berdi. Biz Senat ustidan nazoratni qaytarib oldik – voy, bu yaxshi", dedi u o‘z tarafdorlariga.

Trampning aytishicha, odamlar unga “Xudo biron sababga ko‘ra hayotimni saqlab qoldi”, deb aytgan.

“Va buning sababi mamlakatimizni qutqarish va Amerikani buyuklikka qaytarish edi. Va endi biz bu missiyani birgalikda bajaramiz. Bizning oldimizda turgan vazifa oson bo‘lmaydi, lekin men qalbimda bo‘lgan har bir zarra kuch, ruh va kurashni siz menga ishonib topshirgan ishga olib kelaman", deb qo‘shimcha qildi u.