Трамп Ким билан учрашмоқчи (видео)

АҚШ Президенти Дональд Трамп КХДР етакчиси Ким Чен Ин билан келажакда учрашишни исташини айтди. Бу ҳақда у кеча, 25 август куни Оқ уйда журналистлар билан суҳбатда сўз очди.

Америкалик етакчи Оқ уйда журналистларнинг саволларига жавоб берган.

“Биз қачондир учрашамиз. Аслида мен буни интиқлик билан кутяпман”, дейди Трамп.

NBC’нинг ёзишича, Трамп Жанубий Корея Президенти Ли Чжэ Мён билан учрашув чоғида КХДР раҳбари билан ҳам учрашишга умид билдирган.

“Мен учрашув ўтказишни истардим. Биз жуда яхши тил топишганмиз”, дейди АҚШ Президенти.

Шунингдек, Трамп икки Корея ўртасида муносабатларни яхшилашга ёрдам бермоқчи эканини айтган.

Маълумот учун, 2018 йил июнь ойида Дональд Трамп ва Ким Чен Ин илк бор шахсан учрашган тарихий учрашув Сингапурда бўлиб ўтган. Ўшанда саммитнинг асосий мавзуси КХДРнинг ядровий қуролсизланиши бўлган. Шундан сўнг, Трамп ва Ким Чен Ин Нобель мукофотига номзодлар сифатида илгари сурилган.

2019 йилда эса Дональд Трамп ва Ким Чен Ин Жанубий ва Шимолий Корея чегарасидаги демилитаризация қилинган ҳудудда учрашган.