Тошкентдаги айрим кўчалар номаълум муддатга ёпилади
Жамият
−
15 Июль
4034Бугун, 15 июль куни соат 00:00 дан бошлаб Тошкент шаҳри Мирзо Улуғбек туманининг айрим кўчаларида автотранспорт ҳаракати номаълум муддатга чекланди. Бу ҳақда Тошкент шаҳар ИИББ йўл ҳаракати хавфсизлиги бошқармаси хабар берди.
Билдирилишича, қурилиш-таъмирлаш ишлари олиб борилиши сабабли транспорт воситаларининг ҳаракати қуйидаги ҳудудларда вақтинчалик чекланади:
- Темур Малик-Боғишамол кўчалари чорраҳасидан Темур Малик кўчаси бўйлаб, Темур Малик-Султония кўчалари чорраҳасигача;
- Темур Малик-Буюк Ипак йўли кўчалари чорраҳасидан Буюк Ипак йўли кўчаси бўйлаб, Буюк Ипак йўли-Шукур Бурҳонов кўчалари чорраҳасигача;
“Юртдошларимиздан юзага келган ноқулайликлар учун узр сўраган ҳолда, айланма йўллардан фойдаланишларини сўраб қоламиз”, дейилади хабар сўнгида.
Эслатиб ўтамиз, аввалроқ Тошкентдаги “Буюк Турон” кўприги икки ойга ёпилиши ҳақида хабар берилганди.
LiveБарчаси