Тошкентда она 3 ёшли боласини $10 мингга сотишга уринди (видео)
3-саҳифа
−
21 Май 3983 1 дақиқа
Тошкент шаҳрининг Сергели туманида 41 ёшли она ўз боласини 10 000 АҚШ долларига сотмоқчи бўлган вақтида қўлга олинди. Бу ҳақда Ички ишлар вазирлиги хабар берди.
Билдирилишича, Тошкент шаҳри Сергели тумани ҳудудида ўтказилган тезкор қидирув тадбири давомида 1985 йилда туғилган аёл ўзининг уч ёшли фарзандини аввалдан келишилган тарзда ўзига таниш бўлмаган шахсга 10 000 АҚШ доллари эвазига сотмоқчилиги аниқланган. Аёл пул маблағларини олаётган вақтда тезкор тадбир иштирокчилари томонидан қўлга олинган.
Мазкур ҳолат юзасидан уч ёшли фарзандини пуллаган онага нисбатан Жиноят кодексининг 135-моддаси (одам савдоси) учинчи қисми “б” банди билан жиноят иши қўзғатилган.
Эслатиб ўтамиз, аввалроқ Бухоро вилоятининг Бухоро туманида уч кунлик чақалоғини сотмоқчи бўлган 18 ёшли аёл қўлга олинган эди.
Live
Барчаси
