Тошкентда хонадон ёниб кетди
3-саҳифа
−
19 Июль 2025 6353 1 дақиқа
Кеча, 18 июль куни Тошкент шаҳрининг Шайхонтоҳур туманида жойлашган шахсий хонадонларнинг бирида ёнғин содир бўлди. Бу ҳақда пойтахт Фавқулодда вазиятлар бошқармаси хабар берди.
Маълум қилинишича, соат 21:30 да туманнинг Нуробод 2-тор кўчасида жойлашган шахсий хонадонда ёнғин содир бўлаётгани тўғрисида бошқармага хабар келиб тушган.
Шунга кўра, ёнғин-қутқарув техникалари айтилган манзилга соат 21:40 да етиб борган. Ёнғин 22:13 да қуршаб олинган ҳамда соат 22:33 да ўчирилган.
Билдирилишича, ёнғин оқибатида жабрланганлар йўқ. Ҳозирда ёнғин сабаби аниқланмоқда.
Эслатиб ўтамиз, аввалроқ Тошкент шаҳрининг Учтепа туманида жойлашган савдо мажмуаларидан бирида ёнғин содир бўлгани ҳақида хабар берилганди.
Live
БарчасиДеҳқонобод туманига сел келди
23 Апрель
