Toshkentda xonadon yonib ketdi
3-sahifa
−
19 iyul 6069 1 daqiqa
Kecha, 18 iyul kuni Toshkent shahrining Shayxontohur tumanida joylashgan shaxsiy xonadonlarning birida yong‘in sodir bo‘ldi. Bu haqda poytaxt Favqulodda vaziyatlar boshqarmasi xabar berdi.
Ma’lum qilinishicha, soat 21:30 da tumanning Nurobod 2-tor ko‘chasida joylashgan shaxsiy xonadonda yong‘in sodir bo‘layotgani to‘g‘risida boshqarmaga xabar kelib tushgan.
Shunga ko‘ra, yong‘in-qutqaruv texnikalari aytilgan manzilga soat 21:40 da yetib borgan. Yong‘in 22:13 da qurshab olingan hamda soat 22:33 da o‘chirilgan.
Bildirilishicha, yong‘in oqibatida jabrlanganlar yo‘q. Hozirda yong‘in sababi aniqlanmoqda.
Eslatib o‘tamiz, avvalroq Toshkent shahrining Uchtepa tumanida joylashgan savdo majmualaridan birida yong‘in sodir bo‘lgani haqida xabar berilgandi.
Live
Barchasi
