Стармер Британия Бош вазири лавозимини тарк этди (видео)

Бугун, 20 июль куни Буюк Британия Бош вазири Кир Стармер ўз лавозимидаги фаолиятини якунлаганини эълон қилди ва хайрлашув нутқи билан чиқиш қилди. Бу ҳақда “Sky News” хабар бермоқда.

“Мен тез орада Олий ҳазратлари (Қирол) ҳузурига бориб, ундан истеъфомни қабул қилишини сўрайман ва бош вазирлик лавозимидаги фаолиятимни якунлайман. Менинг ишим тугади”, дейди Стармер.

Кейинчалик у шундай қўшимча қилган: “Мен енгил хаёл, табассум ва эришган барча ютуқларимиздан фахрланиш туйғуси билан кетмоқдаман”.

Эслатиб ўтамиз, Стармер истеъфога чиқиши ҳақида жорий йилнинг 22 июнь куни эълон қилган эди. Унинг айтишича, Лейбористлар партиясида у кейинги сайловларда партияни бошқаришга лойиқми ёки йўқми, деган савол туғилган. Бош вазир партиянинг “жавобини эшитганини” ва уни “миннатдорлик билан қабул қилишини” маълум қилган.

Энди Бёрнем 17 июль куни Лейбористлар партияси етакчиси этиб сайланди. У 56 ёшда. У тўққиз йил давомида (2017 йил майидан 2026 йил июнигача) Катта Манчестер мэри лавозимини эгаллаб келган ва ушбу лавозимга тўғридан тўғри овоз бериш йўли билан сайланган биринчи сиёсатчига айланган эди.

Стармер 2024 йилнинг ёзида – Лейбористлар партияси умумий сайловларда унгача мамлакатни бошқариб келган консерваторлар устидан йирик ва ҳал қилувчи ғалабага эришганидан сўнг Буюк Британия бош вазири бўлган эди. Стармер 2020 йилдан буён Лейбористлар партияси етакчиси лавозимини эгаллаб келаётган эди.

Дилнура Уринова