Соболенко кетма-кет иккинчи бор йилнинг энг яхши теннисчиси деб топилди
Спорт
−
16 Декабрь 1215 1 дақиқа
Беларуслик теннисчи, тўртта “Катта дубулға” совриндори ва ҳозирги дунё рейтинги 1-рақамли теннисчиси Арина Соболенко кетма-кет иккинчи бор WTA томонидан “Йилнинг энг яхши теннисчиси” деб топилди.
Соболенко ушбу нуфузли мукофот учун польшалик Ига Швёнтек, америкаликлар Аманда Анисимова, Коко Гауфф ва Мэдисон Киз ҳамда қозоғистонлик Елена Рибакина билан рақобатлашди.
Беларуслик теннисчи Соболенко бутун йил давомида WTA рейтингининг энг юқори поғонасида қолиб, тўртта чемпионликни қўлга киритди. У АҚШ очиқ чемпионатида ғалаба қозониб, бу билан тўртинчи “Катта дубулға” чемпионлигини қўлга киритди. Бундан ташқари, Соболенко Майами очиқ чемпионати, Мадрид очиқ чемпионати ва Brisbane International мусобақаларида ҳам ғолиб чиқди.
Австралия очиқ чемпионати ва Франция очиқ чемпионатида у финалга чиқди, аммо мос равишда Мэдисон Киз ва Коко Гауффга ютқазган эди.
