Шавкат Мирзиёев Си Цзиньпинга ҳамдардлик билдирди
Жамият
−
23 Май 3601 1 дақиқа
Ўзбекистон Республикаси Президенти Шавкат Мирзиёев Шанси провинциясидаги кўмир конида юз берган портлаш оқибатида кўплаб инсонлар қурбон бўлгани ва жиддий жароҳатлангани муносабати билан Хитой Халқ Республикаси Раиси Си Цзиньпинга ҳамдардлик йўллади. Бу ҳақда Президент матбуот котиби маълум қилди.
Қайд этилишича, давлат раҳбари вафот этганларнинг оила аъзолари ва яқинларига сабр-тоқат, жароҳат олганлар тез фурсатда соғайиб кетишини тилаган.
Эслатиб ўтамиз, аввалроқ Хитой шимолида жойлашган кўмир конида юз берган портлаш оқибатида 82 киши ҳалок бўлгани, яна 9 киши бедарак йўқолгани ҳақида хабар берилган эди. Си Цзиньпин ҳодиса юзасидан зудлик билан чора кўришни, жабрланганларга ёрдам бериш ҳамда бедарак йўқолганларни қидиришни топширган. Шунингдек, у воқеа сабаблари тўлиқ ўрганилиб, айбдорлар жавобгарликка тортилиши кераклигини билдирган.
Live
Барчаси
