Саида Мирзиёева Глобал экологик жамғарма Ассамблеясида қатнашди

Бугун, 4 июнь куни Ўзбекистон Президенти Администрацияси раҳбари Саида Мирзиёева Глобал экологик жамғарманинг 8-Ассамблеясида иштирок этди. Бу ҳақда у ўзининг Telegram-каналида маълум қилди.

“Самарқандда ўз ишини бошлаган Глобал экологик жамғарманинг 8-Ассамблеяси иштирокчиларига Президентимизнинг табрик сўзларини ўқиб эшиттирдим, бу мен учун юксак шараф. Форум Марказий Осиё ва бутун дунё учун ҳозирги кунда энг долзарб бўлган масала – иқлим муаммоларини муҳокама қилиш имконини берди. Шунингдек, Ўзбекистоннинг глобал экологик кун тартибидаги нуфузи ошиб бораётганини яна бир бор намоён этди”, дейди Саида Мирзиёева.

Унинг билдиришича, Ассамблея доирасида “ Eco Expo Central Asia-2026” кўргазмаси ташкил этилиб, унинг майдонида “яшил” лойиҳалар учун 80 млн доллар миқдоридаги грантлар ҳамда 520 млн доллардан зиёд инвестицияларни жалб этиш бўйича келишувлар имзоланган. Энди асосий вазифа  асраб-авайлаш йўлидаги ушбу ташаббусларни амалиётга изчил татбиқ этишдан иборат. Айни вақтда иккала тадбирда дунёнинг 180 та мамлакатидан жами 8 ярим мингдан ортиқ мутахассис иштирок этмоқда.