Роналдунинг болаликдаги кумирлари ким бўлгани очиқланди
Спорт
−
13 Сентябрь 2706
Саудиянинг “Ал-Наср” клуби ҳужумчиси Криштиану Роналду икки нафар бразилиялик афсона – Роналдо ва Роналдиньонинг ўйинини кўриб катта бўлганини тан олди. Бу ҳақда у “Sport Bible”га берган интервьюсида айтди.
“Мен таққослашни ёқтирмайман. Улар футболга катта мерос қолдирган. Аниқ айтишим мумкин, мен улардан кўра кўпроқ индивидуал унвонларни қўлга киритдим, аммо улар Жаҳон чемпионатида ғалаба қозонди. Мен бу ўйинчиларни жуда яхши кўраман. Мен уларнинг ўйинларини кўриб катта бўлганман. Уларнинг қайси бири яхшироқ эканлиги унчалик муҳим эмас”, дейди Роналду
Маълумот учун, Роналдо Назарио 2011 йилда, Роналдиньо эса 2015 йилда футболчилик фаолиятини якунлаган. Ҳар икки тўп устаси Жаҳон чемпионлиги билан биргаликда “Олтин тўп” совринини қўлга киритган. Роналдиньо футболдаги юлдузлик даврини асосан “Барселона”да ўтказган бўлса, Роналдо “Интер”, “Милан”, “Барселона” ва “Реал” каби клубларда муваффақиятли тўп сурган.
Эслатиб ўтамиз, аввалроқ Криштиану Роналдунинг ижтимоий тармоқлардаги обуначилари сони 1 миллиардга етгани хабар қилинганди.
Live
Барчаси
