Роналду ЖЧ билан хайрлашди. Испания 1/4 финалга чиқди

Бугун, 7 июль куни Испания миллий терма жамоаси 2026 йилги Жаҳон чемпионати 1/8 финал босқичида Португалияни 1:0 ҳисобида мағлуб этди. Натижада испанлар чорак финалга йўл олди.

Техас штатининг Арлингтон шаҳрида бўлиб ўтган учрашувда ягона голга учрашувнинг асосий вақтига қўшиб берилган, 90+1 дақиқада Микел Мерино муаллифлик қилди. Шу тариқа, Роналду бошчилигидаги Португалия терма жамоаси мундиалдаги юришини нимчорак финалда якунлади.

Эндиликда Испания терма жамоаси чорак финалда АҚШ ҳамда Бельгия ўртасидаги баҳс ғолиби билан куч синашади. 

Испания терма жамоаси дарвозабони Унаи Симон Жаҳон чемпионатлари тарихида гол ўтказиб юбормаслик бўйича ўзининг рекорд сериясини 609 дақиқага етказди. Унинг серияси 2022 йилги Жаҳон чемпионати гуруҳ босқичининг сўнгги учрашувидан буён давом этмоқда. Шунингдек, Испания жорий мундиалда ҳалигача ўз дарвозасидан гол ўтказмаган ягона жамоа бўлиб қолмоқда.