Роналду маошининг 10 фоизинигина “Ал-Наср”дан олади
Спорт
−
02 Февраль 2023 20403
“Ал-Наср” ҳужумчиси Криштиану Роналду маошининг атиги 10 фоизини тўғридан-тўғри клубдан олади. Бу ҳақда “The Athletic” хабар берди.
Манбага кўра, форвард маошнинг қолган қисмини Саудия Арабистони бюджетидан олади. Аввал хабар қилинганидек, Роналдунинг “Ал-Наср”даги маоши тахминан 217 миллион еврони ташкил қилади.
Маълумот учун, португалиялик “Ал-Наср” сафида Саудия Арабистони чемпионати доирасидаги “Ал-Иттифоқ” билан учрашувда дебют қилганди. Ўша баҳсда Криштиану жамоаси 1:0 ҳисобида ғалаба қозонди.
Эслатиб ўтамиз, 26 январь куни “Ал-Иттиҳод” ҳимоячиси Марсель Тиссеран Роналдунинг Саудиядаги фаолияти бўйича фикр билдирганди.
