Роналду клубни бошқармайди – “Ал-Наср” бош директори
Спорт
−
19 Сентябрь 1078
Саудия Арабистонининг “Ал-Наср” клуби футболчиси Кришттиану Роналду клубни бошқарув ишларида иштирок этмайди. Бу ҳақда жамоа бош директори Гидо Финга маълум қилди.
Фингага кўра, Роналду жамоанинг етакчи футболчиси ва у нафақат техник нуқтаи назардан, балки ўзини тутиши билан ҳам дунёнинг энг кучли футболчиси ҳисобланади.
“Криштиану Роналду клубни бошқармайди. У дунёнинг биринчи рақамли футболчиси. У қайси йўналишда боришимиз кераклигини билади ва биз у билан ўз олдимизга мақсад қўйганмиз, унга эришмоқчимиз. Роналду қандай ғалаба қозониш кераклигини жуда яхши билади ва биз ундан ғалаба қозонишни ўргатишини сўраймиз. Биз бу йил у билан бирга кўплаб ғалабаларга эришдик ва энг муҳим мақсадга эришдик. Криштиану жамоанинг бир қисми ва биз у билан бирга эканлигидан жуда хурсандмиз”, дейди “Ал-Наср” бош директори.
Маълумот учун, Криштиану Роналду 2023 йилнинг январидан буён Саудия клубида тўп тепмоқда. Унинг Риёд клуби билан шартномаси 2025 йилнинг ёзига қадар мўлжалланган. Ҳозирга қадар Криштиану “Ал-Наср”да 69 та ўйинда иштирок этиб, 62 та гол урди ва 17 голли узатмани амалга оширди.
