Раҳимова “US Open”да дунёнинг биринчи ракеткасига қарши кортга чиқди

Кеча, 4 сентябрь куни ўзбекистонлик теннисчи Камилла Раҳимова АҚШ Очиқ чемпионатининг 1/16 финалида дунёнинг биринчи ракеткаси, мусобақанинг амалдаги чемпиони Арина Соболенкога қарши кортга чиқди. Раҳимова икки сет давом этган баҳсда амалдаги чемпионга имкониятни бой берди.

90 дақиқа давом этган баҳсда беларуслик теннисчи 6:3, 6:4 ҳисобида ғалаба қозониб, 1/8 финалга йўл олди.  Баҳс давомида Соболенко 10 та, Раҳимова эса 2 та эйс қайд этди. Қўшхато бўйича Камилла 6 марта хато қилган бўлса, беларуслик теннисчида бу кўрсаткич 1 тани ташкил этди. Соболенко 7 та брейк-пойнтдан 2 тасидан фойдаланган, Раҳимова эса рақибининг сервисини бузиш имконига эга бўлмади.

Шу тариқа, Соболенко ва Раҳимова ўртасидаги ўзаро учрашувлар сони 4 тага етди. Барча баҳсларда беларуслик теннисчи ғалаба қозонган.

Шу билан Камилла Раҳимованинг “US Open-2026”даги иштироки якунланди. Соболенко эса 1/8 финалда америкалик Тэйлор Таунсенд билан куч синашади.