Наманганда ҳоким ёрдамчиси туман ҳокими бўлди
Жамият
−
14 Февраль 6961
Бугун, 14 февраль куни Муҳаммад Ҳайдаров Абдуҳакимович Наманган вилояти Учқўрғон тумани ҳокими этиб тайинланди. Бу ҳақда вилоят ҳокимлиги хабар берди.
Билдирилишича, Учқўрғон туманида бугун халқ депутатлари туман Кенгашининг навбатдан ташқари сессияси бўлиб ўтган. Сессияда Наманган вилояти ҳокими Шавкатжон Абдураззоқов қатнашди. Унинг Учқўрғон тумани ҳокими Жаҳонгир Ризаевни Учқўрғон тумани ҳокими лавозимидан озод этиш ҳақидаги қарори депутатлар томонидан бир овоздан маъқулланган.
Шундан сўнг, ушбу лавозимга Муҳаммад Ҳайдаров Абдуҳакимовични тайинлаш масаласи кўриб чиқилган. Ушбу қарор ҳам маъқулланди.
Маълумот учун, Муҳаммад Ҳайдаров ҳозирга қадар Наманган туманидаги "Олахамак" МФЙда ҳоким ёрдамчиси сифатида фаолият юритиб келаётганди.
Эслатиб ўтамиз, аввалроқ Андижон вилояти Олтинкўл туманига ҳам янги ҳоким келганди.
Live
Барчаси
