Мирзиёев амалий ташриф билан Қозоғистонга жўнаб кетди
Олам
−
08 Сентябрь
4233Президент Шавкат Мирзиёев Қозоғистон Президенти Қосим-Жўмарт Тўқаевнинг таклифига биноан бугун, 8 сентябрь куни амалий ташриф билан Остона шаҳрига жўнаб кетди. Бу ҳақда Президент матбуот хизмати хабар берди.
Давлат раҳбари Остона шаҳрида бешинчи Бутунжаҳон кўчманчилар ўйинлари – UNESCO'нинг Номоддий маданий мерос рўйхатига киритилган этник спорт турлари бўйича халқаро спорт мусобақаларининг тантанали очилиш маросимида иштирок этади.
Маълумот учун, ушбу спорт тадбирида дунёнинг 90 га яқин давлатидан 2 мингдан зиёд спортчи, жумладан, Ўзбекистон терма жамоаси иштирок этиши кутилмоқда.
Эслатиб ўтамиз, аввалроқ Президент Шавкат Мирзиёев Бухоро шаҳрида Қозоғистоннинг биринчи президенти Нурсултон Назарбоев билан норасмий учрашув ўтказгани хабар қилинганди.
LiveБарчаси