Метан “заправка”лар ҳафта охиригача 24 соатлик иш режимига ўтади
Жамият
−
23 Декабрь 23626
Ижтимоий тармоқларда Ўзбекистонда газ “заправка”лари ҳафта охиригача 24 соатлик иш режимига ўтиши ҳақида хабарлар тарқалди. QALAMPIR.UZ маълумотга аниқлик киритиш мақсадида Энергетика вазирлиги матбуот котиби Ҳасан Тошхўжаев билан боғланди.
Унинг билдиришича, қувурлардаги табиий газ босимининг яхшиланиши сабаб ҳафта давомида автомобилларга газ тўлдириш компрессор шохобчалари 24 соатлик иш графигига ўтказилади.
Эслатиб ўтамиз, олдинроқ республика ҳудудига совуқ ҳаво оқими кириб келиши натижасида энергия ресурсларига бўлган талаб сезиларли даражада ошиб бораётгани, аҳолининг табиий газ кунлик истеъмоли ўтган ҳафтадагига нисбатан 20 фоиз ортгани боис автомобилларга газ тўлдириш компрессор шохобчалари (газ “заправкалар”) фаолиятига қисқа муддатли чеклов киритилиши режалаштирилганди.
Live
Барчаси
