Марказий Осиёда етакчи: Ўзбекистонликлар йилига қанча дон истеъмол қилиши айтилди

Америка Қўшма Штатлари Қишлоқ хўжалиги вазирлиги таҳлилчиларининг фикрича, 2022/2023 йилларда Ўзбекистонда ички буғдой истеъмоли ҳажми 8,5 миллион тоннага етиши мумкин.  Бу ҳақда “АПК Информ” хабар берди. 

Қайд этилишича, бу аввалги мавсумга нисбатан деярли 1 фоиз юқори ва Марказий Осиёдаги буғдой истеъмолчилари орасида мутлақ кўрсаткичдир. Ўзбекистонда 2022/2023 йилларда маҳаллий буғдой истеъмолининг прогноз қилинган ҳажми Афғонистон учун шу даврга нисбатан қарийб 8 фоизга юқори бўлиб, ички дон истеъмоли 7,9 млн тоннани ташкил этиши кутилмоқда.

Шунингдек, янги мавсумда Ўзбекистон учун прогноз кўрсаткичи Қозоғистон учун ички истеъмол баҳосидан деярли 37 фоиз юқори (6,2 млн тонна). Қозоғистон анъанавий равишда буғдой ва буғдой унининг экспортчиси ҳисобланади. 

2022/23 йилларда Қозоғистондан буғдой ва ун экспорти дон эквивалентида 8,0 млн тоннага етиши мумкин, Ўзбекистондан экспорт прогнози эса атиги 1,5 млн тоннани ташкил этади.

Шунга кўра, агар кейинги мавсумда Ўзбекистон ва Афғонистонда дон ишлаб чиқариш режалаштирилган ички буғдой истеъмолининг атиги 78 фоиз ва 57 фоизини таъминлай олса, Қозоғистонда ички истеъмол кутилган ялпи дон ҳосилининг атиги 48 фоизини ташкил қилади.